Ministri në detyrë i Infrastrukturës, Hysen Durmishi është pritur sot në takim nga kryetari i Kamenicës, Kadri Rahimaj.

Durmishi gjatë kësaj vizite ka parë nga afër që shërbejnë për përpunimin e mbeturinave, me të cilat pritet të ndërtohen Qendra e Menaxhimit të Mbeturinave Organike, shkruan Arbresh.info.

Tutje, Durmishi tha se rrugët që po ndërtohen në brezin kufitarë përveç që sjellin siguri ato sjellin edhe begati e do ta ngjallin turizmin nëpër bjeshkët e Kamenicës.

“Gjithashtu me mbështetjen e Qeverisë Sllovene dhe në bashkëpunim me MMMPHI-në nën udhëheqjen e Komunës së Kamenicës dhe kryetarit Kadri Rahimaj, po ndërtohet Qendra e Menaxhimit të Mbeturinave Organike e para e këtij lloji në regjion”, ka shkruar Durmishi.

“Ky projekt vendos standarde të reja në ekonominë qarkore, mbrojtjen e mjedisit dhe zhvillimin lokal, duke krijuar vende pune dhe ulur kostot për biznese, shkolla dhe fermerë”, tha Durmishi./Arbresh.info